კეთილი იყოს თქვენი მობრძანება ლიეჟური ვაფლის დაუვიწყარი გემოს სამყაროში. მაცდუნებელი არომატის და უნიკალური გემოს გამო ვაფლი ითვლება შესანიშნავ დესერტად ან სწარფი კვების კერძად შიმშილის გრძნობის მოსაკლავად. 

ბელგიური ვაფლის ორი ნაირსახეობა არსებობს: ლიეჟური და ბრუსელური. მაგრამ ყველაზე გავრცელებულია და ცნობილია ვაფლი, რომელიც ატარებს ბელგიური ქალაქის - ლიეჟის სახელს. გადმოცემის თანახმად მე-18 საუკუნეში ლიეჟის პრინცმა დაავალა თავის მზარეულს ცომისაგან მოემზადებინა რაიმე ახალი და საინტერესო. მზარეული ადგა და ფუნთუშის ცომს დააყარა შაქრის ნატეხები. გამოცხობისას შაქარი კარამელიზირდა და გამოვიდა თანამედროვე ლიეჟური ვაფლის მაგვარი საკონდიტრო ნაწარმი. როგორც ამბობენ პრინცი აღფრთოვანებული დარჩა. მას შემდეგ ვაფლის რეცეპტი დაიხვეწა და ვაფლის საცხობმა მოწყობილობებმაც მნიშვნელოვანი განვითარება განიცადა.

სიტყვა ვაფლი წარმოშობით არის ფრანკი ტომების ”ვაფლა”-დან რაც კონტექსტიდან გამომდინარე ნიშნავდა თაფლის ფიჭას ან ნამცხვარს. ვაფლი დამკვიდრდა გერმანულ და ჰოლანდიურ ენებში და გვიან შუა საუკუნეებში ასევე გავრცელდა სხვა ევროპულ ენებში. ვაფლის ფრანგული ანალოგი, რომელიც ასევე ფრანგული წარმოშობისაა არის ”გოფრ”.

ყველაზე გავრცელებული ბელგიური ვაფლის სახეობებია ბრუსელური და ლიეჟური. ლიეჟური ვაფლის განმასხვავებელი ნიშანი გემოსა და ტექსტურის გარდა არის შაქრის ტიპი - sucre perle, რომელიც გამოიყენება მის დასამზადებლად. Sucre perle-ს ზუსტი თარგმანი არის მარგალიტისებრი შაქარი. შაქრის ნატეხები მართლაც გამოიყურება როგორც თეთრი მარგალიტები. ის ჩვეულებრივი შაქრისაგან განსხვავებით კარამელიზირდება უფრო მაღალ ტემპერატურაზე. შაქრის ნატეხები ერევა ცომს, ხოლო გამოცხობისას ისინი ნაწილობრივ კარამელიზირდება და წარმოქმნიან კარამელის ხრაშუნა გარსს.

​